काठमाडौं – मधेस प्रदेसका अर्थमन्त्री शैलेन्द्र साहले अनियमितता गरेको आरोप लागेपछि छानबिन गर्न संसदीय समिति गठन भएको छ।
सोमबार प्रदेससभा बैठकमा साहमाथि लागेको आर्थिक अनियमितताको आरोपबारे छानबिन गर्न समिति गठन भएको हो।
शून्य समयमा बोल्दै लोकतान्त्रिक समाजवादी पार्टी (लोसपा) का प्रमुख सचेतक परमेश्वर साहले अर्थमन्त्री साहले अनियमितता गरेको भन्दै जवाफ माग्दै छानबिन समिति गठन गर्न माग गरेका थिए।
छानबिन समिति गठन नभएसम्म बैठक सञ्चालन हुन नदिने उनले बताएका थिए। त्यस क्रममा केहीबेर बैठक अवरूद्धसमेत भएको थियो।
